កុមារី គន្ធា ជិះទូកស្មោឆ្លងទឹកទន្លេជាង១០០០ម៉ែត្រដើម្បីទៅរៀន ខណៈមានឧកញ៉ាម្នាក់ប្រកាសតាមFacebookជួយទូកស្មាច់ដល់គាត់

បើតាមFacebook លោកឧកញ៉ា យ៉ន សេងហាន អគ្គនាយកក្រុមហ៊ុន សេងហាន ឯ.កបានបង្ហោះសារ៥ម៉ោងមុនថា ខ្ញុំមានទូកស្មាច់និងអាវពោងស្រាប់​ ចង់ជូនក្មួយស្រី​ គ្រាន់អុំទៅរៀន​ ធ្វេីដូចម្តេចអាចយកជូនក្មួយស្រីបាន​ អាណិតណាស់!

ឧកញ៉ាបន្តថា បងប្អូនណាដែលអញ្ជេីញទៅសៀមរាប​ ហេីយមានឡានដែលអាចដឹកទៅបានសូមជួយយកទៅផង។

នៅក្នុងFacebookរបស់ឧកញ៉ាខាងលើដដែលបានបង្ហោះសារមួយទៀតថា គ្មានអ្វីមករារាំងមនុស្សដែលមានចំណង់ពិតប្រាកដបានទេ​ តែបេីគ្មានចំណង់ពិតប្រាកដវិញ​ គឺតែងតែមានលេស​ អត់នេះ​ អត់នោះ​ ខ្វះនេះខ្វះនោះ​ ជាក់ជាមិនខាន។

ឧកញ៉ា យ៉ន សេងហាន បានបន្តថា បងប្អូន​ណា​ ដែលអាចយកទូកស្មាច់ជូនក្មួយស្រីបាន​ ជួយយកផង​ ខ្ញុំជូនទូកស្មាច់និងអាវពោងដល់ក្មួយស្រី Tel:066500188/092500188

គួរជម្រាបជូនថា មានបងប្អូនសប្បុរសជនជាច្រើនក៏បានជួយកុមារី គន្ធា ជាបន្តបន្ទាប់ ហើយក៏មានមតិមហាជនខ្លះក៏បានលើកឡើងពីការខិតខំប្រឹងប្រែងរបស់កុមារី គន្ធា ផងដែរ។

ប្រភពខ្លះទៀតបានលើកឡើងថា មើលទៅអាណិតខ្លោចចិត្ត! ក្មេងស្រីម្នាក់ទោះគេមិនឱ្យដោយសារទូកទៅរៀន ក៏គ្មានអ្វីបញ្ឈប់ការតស៊ូរបស់ក្មួយបានដែរ, សុខចិត្តយកស្នោ​ និងសំរាម​បណ្តែតទឹក ចងជាមួយសំណាញ់មង​ ដាក់ក្តាឈេីពីលេី​សម្រាប់អុំធ្វេីជាមធ្យោបាយទៅសាលារៀន។ ជីវិតពេលខ្លះ យើងត្រូវឆ្លងកាត់ ការមើលងាយ បដិសេធនឹងរើសអើងច្រើនដង តែត្រូវដឹងថា រឿងរ៉ាវទាំងអស់នោះវាជាស្ពានដើម្បីឱ្យដល់អនាគតដែលយើងខ្លួនឯងផ្ទាល់ចង់បាន។កុមាររូបនេះ រស់នៅខេត្តសៀមរាប លើផ្ទៃទឹកបឹងទន្លេសាប។ ជូនពរក្មួយស្រីឱ្យមានអនាគតល្អ៕