ក្រុមប្រឹក្សាសន្តិសុខអង្គការសហប្រជាជាតិ ទាមទារឲ្យមានបទឈប់បាញ់នៅតំបន់ហ្គាហ្សាជាបន្ទាន់ បន្ទាប់ពីសហរដ្ឋអាមេរិក ដកខ្លួនពីការបោះឆ្នោត

Reuters: កាលពីថ្ងៃចន្ទ ក្រុមប្រឹក្សាសន្តិសុខអង្គការសហ-ប្រជាជាតិបានអនុម័តសេចក្តីសម្រេចមួយ ដោយទាមទារឲ្យមានបទឈប់បាញ់ជាបន្ទាន់រវាងអ៊ីស្រាអែល និងក្រុមសកម្មប្រយុទ្ធហាម៉ាសប៉ាឡេស្ទីន បន្ទាប់ពីសហរដ្ឋអាមេរិកបានដកខ្លួនពីការបោះឆ្នោតដោយបង្កឲ្យមានជម្លោះជាមួយអ៊ីស្រាអែលដែលជាសម្ព័ន្ធមិត្តរបស់ខ្លួន។

សមាជិកក្រុមប្រឹក្សាដែលនៅសល់ចំនួន ១៤ប្រទេស បានបោះឆ្នោតលើសេចក្តីសម្រច ដែលបានស្នើ ដោយសមាជិក ១០ប្រទេស ដែលទាមទារឲ្យមានការដោះលែងចំណាប់ខ្មាំងទាំងអស់ជាបន្ទាន់ និងដោយគ្មានលក្ខខណ្ឌ។ មាន​ការ​ទះដៃ​អបអរសាទរ​ក្នុង​សភា​បន្ទាប់​ពី​ការ​បោះឆ្នោត។

អគ្គលេខាធិការអង្គការសហប្រជាជាតិលោក Antonio Guterres បានបង្ហោះនៅលើប្រព័ន្ធផ្សព្វផ្សាយសង្គមថា “ដំណោះស្រាយនេះត្រូវតែអនុវត្ត។ ប៉ុន្តែការបរាជ័យមិនអាចអត់ឱនឲ្យបានទេ”។

នាយករដ្ឋមន្ត្រីអ៊ីស្រាអែលលោក Benjamin Netanyahu បាននិយាយថា ការបរាជ័យរបស់សហរដ្ឋអាមេរិកក្នុងការវេតូសេចក្តីសម្រេចគឺជា “ការដកថយយ៉ាងច្បាស់” ពីជំហររបស់ខ្លួន ហើយនឹងធ្វើឲ្យប៉ះពាល់ដល់កិច្ចខិតខំប្រឹងប្រែងធ្វើសង្គ្រាមរបស់អ៊ីស្រាអែល និងជំរុញឲ្យមានការដោះលែងចំណាប់ខ្មាំងជាង ១៣០នាក់ដែលត្រូវបានក្រុមហាម៉ាស់ចាប់ខ្លួន។