មន្ត្រីនិយាយថា មនុស្ស០៦នាក់បានស្លាប់ ក្នុងការវាយប្រហារដោយសកម្មប្រយុទ្ធ នៅមូលដ្ឋានទ័ពជើងទឹកប៉ាគីស្ថាន
Reuters: នៅថ្ងៃអង្គារក្រុមសកម្មប្រយុទ្ធបានវាយប្រហារមូលដ្ឋានទ័ពជើងទឹកប៉ាគីស្ថានដោយបានសម្លាប់ទាហានប៉ារ៉ាយ៉ាងហោចណាស់ម្នាក់ ខណៈដែលកងកម្លាំងសន្តិសុខបានសម្លាប់អ្នកវាយប្រហារទាំង ០៥នាក់នៅក្នុងការវាយប្រហារតបវិញ។
ការវាយប្រហារកាលពីថ្ងៃចន្ទលើមូលដ្ឋាន Turbat នៅភាគនិរតីប្រទេសប៉ាគីស្ថាន គឺជាការវាយប្រហារលើកទី ០២ដោយក្រុមសកម្មប្រយុទ្ធជនជាតិភាគតិច Baloch លើទីតាំងយោធាមួយក្នុងសប្តាហ៍មុន។
សេចក្តីថ្លែងការណ៍ពីខុទ្ទកាល័យនាយករដ្ឋមន្ត្រីលោក Shehbaz Sharif បាននិយាយថា “យើងបានគេចផុតពីការបាត់បង់ដ៏ធំមួយ”។
អ្នកនាំពាក្យកងទ័ពជើងទឹកប៉ាគីស្ថានបាននិយាយថា អ្នកវាយប្រហារទាំង ០៥នាក់ត្រូវបានសម្លាប់ បន្ទាប់ពីពួកគេបានព្យាយាមវាយលុកចូលទៅក្នុងមូលដ្ឋាន។ សេចក្តីថ្លែងការណ៍យោធាបាននិយាយថា ទាហានប៉ារ៉ាម្នាក់ក៏ត្រូវបានសម្លាប់ផងដែរ។
នៅក្នុងសេចក្តីថ្លែងការណ៍មួយ កងទ័ពរំដោះ Baloch (BLA) ដែលជាក្រុមលេចធ្លោបំផុតនៃក្រុមបំបែកខ្លួនជាច្រើននៅ Balochistan បានអះអាងទទួលខុសត្រូវចំពោះការវាយលុកនោះ។
BLA ក៏ធ្លាប់ជាប់ពាក់ព័ន្ធក្នុងការវាយប្រហារលើផលប្រយោជន៍ប៉ាគីស្ថាន និងចិននៅក្នុងតំបន់ និងកន្លែងផ្សេងទៀត៕