ក្រុមប៉ូលិសបង្ក្រាបមុខសញ្ញាចាស់ឆក់យ៉ាងសកម្មក្នុងរាជធានីភ្នំពេញបានម្នាក់ទៀតហើយ

ភ្នំពេញ៖ លោកឧត្តមសេនីយ៍ត្រី​ ប៊ុត​ វណ្ណារដ្ឋ​ អនុប្រធាននាយកដ្ឋានទទួលផែនបានដឹកនាំកម្លាំងជំនាញការិយាល័យព្រហ្មទណ្ឌកម្រិតធ្ងន់ បានធ្វេីការស្រាវជ្រាវនឹងបេីក​ការ​ស៊េីបអង្កេត​កំណត់មុខ​សញ្ញាតាមរយៈកាមេរ៉ាសុវត្ថិភាព  នៅថ្ងៃទី១៦ ខែឧសភា ឆ្នាំ២០២៤ វេលាម៉ោង០៦៖៣០នាទី​ត្រង់ចំណុចផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ បានធ្វេីឃាត់ខ្លួនជនសង្ស័យបានម្នាក់ ឈ្មោះ​ ​ទេព​ ឧត្តមបណ្ឌិត ភេទប្រុស​ អាយុ៣៣ឆ្នាំ​ ជនជាតិខ្មែរ​។ 

ជនសង្ស័យនេះ បានធ្វេីសកម្មភាពនៅថ្ងៃទី០២ ខែឧសភា ឆ្នាំ២០២៤ វេលាម៉ោង១០៖១០នាទី​ ឆក់កាបូបយួរដៃពីបុរសរងគ្រោះជនបរទេស កំពុងដេីរម្នាក់ឯងបានសម្រេច នៅចំណុច​ផ្លូវលេខ១៤៤កែងផ្លូវលេខ១៥ ក្នុងសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។

សម្ភារដកហូតរួមមាន ម៉ូតូម៉ាក​ ហុងដាភីសុីអុិច ពណ៌ខ្មៅ​​ ពាក់ស្លាកលេខ​ ភ្នំពេញ​1IX-1718 (របស់ជនសង្ស័យដែលបានធ្វេីសកម្មភាព)។ 

បច្ចុប្បន្នជនសង្ស័យ និងវត្ថុតាងខាងលេី​ ការិយាល័យកំពុង​ កសាងសំណុំរឿង បញ្ជូន​ទៅអយ្យការអមសាលាដំបូងរាជធានីភ្នំពេញ៕