សម្ដេចធិបតី ហ៊ុន ម៉ាណែត ចេញលិខិតថ្លែងអំណរគុណជូនចំពោះ លោក ម៉ៅ តារា នាយករដ្ឋបាលសាលាខេត្តកំពង់ឆ្នាំង ដែលបានចូលរួមថវិកាចំនួនជាង១សែនរៀលក្នុង “មូលនិធិកសាងហេដ្ឋារចនា សម្ព័ន្ធតាមព្រំដែន”

កំពង់ឆ្នាំង៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានៅថ្ងៃទី១១ ខែកញ្ញា ឆ្នាំ២០២៤បានចេញលិខិតថ្លែងអំណរគុណជូនចំពោះ លោក ម៉ៅ តារា នាយករដ្ឋបាលសាលាខេត្តកំពុងឆ្នាំងដែលបានចូលរួមនូវ ថវិកាដោយស្ម័គ្រចិត្តចំនួន ១០៩ ៦៦៦រៀលក្នុង “មូលនិធិកសាងហេដ្ឋារចនា សម្ព័ន្ធតាមព្រំដែន” ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការ កសាងផ្លូវក្រវាត់ព្រំដែន។ នេះបើតាមលិខិតថ្លែងអំណរគុណដែលបណ្ដាញសារព័ត៌មាន The Mirror News ទទួលបាននៅថ្ងៃទី១៦ ខែកញ្ញា ឆ្នាំ២០២៤នេះ។

នៅក្នុងលិខិតថ្លែងអំណរគុណ សម្ដេចធិបតី ហ៊ុន ម៉ាណែត បានថ្លែងថា «ក្នុងនាមរាជរដ្ឋាភិបាល និងក្នុងនាមខ្លួនខ្ញុំផ្ទាល់ ខ្ញុំសូមថ្លែងអំណរគុណយ៉ាងជ្រាលជ្រៅ ចំពោះសន្តានចិត្តរបស់ លោកនាយករដ្ឋបាលដែលបានចូលរួមនូវ ថវិកាដោយស្ម័គ្រចិត្តចំនួន ១០៩ ៦៦៦រៀលក្នុង “មូលនិធិកសាងហេដ្ឋារចនា សម្ព័ន្ធតាមព្រំដែន” ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការ កសាងផ្លូវក្រវាត់ព្រំដែន»។

សម្ដេចធិបតីបានបន្តថា «ខ្ញុំសូមកោតសរសើរដោយស្មោះ ចំពោះកាយវិការ និងមនសិការស្នេហាជាតិដ៏ឧត្តុង្គឧត្តម សរបញ្ជាក់អំពីឆ្លងមហាសាមគ្គី ស្មារតីជាតិខ្មែរតែមួយ ដើម្បីសុខសន្តិភាព អធិបតេយ្យភាពជាតិ និងបូរណភាពទឹកដី រួមទាំងការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំប្រកបដោយ ចីរភាព»។

សម្ដេចធិបតីនាយករដ្ឋមន្ត្រីបានជូនពរ លោកនាយករដ្ឋបាលបានជួបប្រទះតែនឹងពរទាំងប្រាំប្រការ គឺអាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ»៕