ស្ត្រីជនជាតិអាឡឺម៉ង់ម្នាក់ប្ដឹងប៉ូលិសខេត្តបាត់ដំបងឲ្យជួយស្វែងរកទូរស័ព្ទរបស់គាត់ ខណៈគាត់ខ្លួនឯងបានជ្រុះបាត់ទូរស័ព្ទដៃម៉ាកIPhone 13មួយគ្រឿង
បាត់ដំបង៖ នៅវេលាម៉ោង០១៖៣០នាទីរសៀលថ្ងៃទី២១ ខែតុលា ឆ្នាំ២០២៤នេះ មានករណីជនជាតិអាឡឺម៉ង់ឈ្មោះ An na Help ភេទស្រី បានជ្រុះបាត់ទូរស័ព្ទដៃម៉ាកIPhone 13 (មានស្រោមទូរស័ព្ទដូចរូបភាព) ខណៈពេលគាត់ធ្វើដំណើរតាមផ្លូវផ្ទះសំណាក់ The Lux Villa រួចបត់កែងតាមសណ្ឋាគារ Jasmine ហើយគាត់បានទៅដាក់ពាក្យបណ្ដឹងនៅការិយាល័យនគរបាលទេសចរណ៍ នៃស្នងការដ្ឋាននគរបាលខេត្តបាត់ដំបង ដើម្បីជួយស្វែងរកទូរស័ព្ទគាត់ដែលបាត់នោះ។ នេះបើតាមសេចក្ដីជូនដំណឹងដែលបណ្ដាញសារព័ត៌មាន The Mirror News ទទួលបាននៅថ្ងៃទី២១ ខែតុលា ឆ្នាំ២០២៤នេះ។
ស្នងការដ្ឋាននគរបាលខេត្តបាត់ដំបងសូមអំពាវនាវដល់បងប្អូនប្រជាពលរដ្ឋដែលរស់នៅក្នុងខេត្តបាត់ដំបងបានប្រទះឃេីញទូរស័ព្ទដូចខាងលេី សូមមេត្តានាំយកមកប្រគល់ជូនសមត្ថកិច្ចនៅការិយាល័យនគរ បាលទេសចរណ៍ នៃស្នងការដ្ឋាន នគរបាលខេត្តបាត់ដំបងឬទំនាក់ទំនងលេខទូរស័ព្ទ 012 503 836 / 095 711 666 ត្បិតទូរស័ព្ទ របស់គាត់មានផ្ទុកទិន្នន័យនិង រូបភាពច្រើន ដែលគាត់ចាំបាច់ក្នុងការប្រើប្រាស់៕
