អណ្តាតពាំព្រីងក៏ស្លាប់ដែរ បើឱ្យពស់ចឹកអញ្ចឹងនោះ
បុរសម្នាក់អាងខ្លួនមាន អណ្តាតពាំព្រីង ព្រហើនឲ្យពស់ស្រកាចាស់ចឹកមួយសន្ទុះក្រោយមកក៏បានស្លាប់។
តាមប្រភពព័ត៌មានថា នៅមុនពេលជនរងគ្រោះត្រូវសត្វពស់ចឹក បុរសរូបនេះបានអះអាងថា ខ្លួនមានអណ្តាតពាំព្រីង ក៏បានចាប់ពស់លេង នឹងបានយកដៃម្ខាង រួចមាត់បឺតមុខរបួសដៃម្ខាងទៀតដែលត្រូវពស់ចឹក។ លុះពេលសាច់ញាតិសួរនាំថា «ម៉េចក៏ចាប់ពស់អញ្ចឹង?» គាត់ឆ្លើយថា «អត់អីទេ ខ្ញុំមានអណ្តាតពាំព្រីង»។
មួយសន្ទុះស្រាប់តែ ជនរងគ្រោះ បានដួលសន្លប់បាត់ទៅ ទើបបង្កការភ្ញាក់ផ្អើលដល់អ្នកជិតខាងនាំគ្នាដឹកបញ្ជូនទៅកាន់មន្ទីរពេទ្យតែម្តង។
ប្រភេទពស់ ដែលបង្កគ្រោះថ្នាក់ ដូចជា ៖ ប្រភេទពស់ហនុមាន, ពស់វែកដំបូក, ពស់ក្រាយ ស.ខ្មៅ ,ពស់ស្រកាចាស់ , ពស់វែកក្របី, ពស់វែករនាម និងពស់ពព្លាក់៕