តំណាងអយ្យការសាលាដំបូងខេត្តបន្ទាយមានជ័យចោទប្រកាន់ជនសង្ស័យជាជនជាតិថៃ៣នាក់ ពីបទល្មើសជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន
បើតាមសេចក្តីប្រកាសព័ត៌មានរបស់អ្នកនាំពាក្យសាលាដំបូងខេត្តបន្ទាយមានជ័យ ចុះថ្ងៃទី០១ ខែកុម្ភៈ ឆ្នាំ២០២៤ ករណីដីកាសន្និដ្ឋានបញ្ជូនរឿងឱ្យស៊ើបសួរលេខ ២៤៨ ចុះថ្ងៃទី០១ ខែកុម្ភៈ ឆ្នាំ២០២៤ មានជនសង្ស័យចំនួន ៣នាក់ ជនជាតិថៃត្រូវបានតំណាងអយ្យការចោទប្រកាន់ពីបទល្មើសជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅក្រុងប៉ោយប៉ែត ខេត្តបន្ទាយមានជ័យ អំឡុងខែមករា ឆ្នាំ២០២៤។ នេះបើតាមសេចក្តីប្រកាសព័ត៌មានរបស់អ្នកនាំពាក្យសាលាដំបូងខេត្តបន្ទាយមានជ័យដែលបណ្ដាញសារព័ត៌មាន The Mirror News នៅថ្ងៃទី០១ ខែកុម្ភៈ ឆ្នាំ២០២៤នេះ។
តំណាងអយ្យការដកហូតបានវត្ថុតាងមួយចំនួនដូចជា គ្រឿងញៀនប្រភេទ ម្សៅក្រាមសរថ្លា (K) ទម្ងន់ ១៤,៤៥ក្រាម ម្សៅំត់សថ្លា (K) ទម្ងន់៤៨១,៨១ក្រាម ថ្នាំកញ្ចប់ចម្រុះពណ៌ជាច្រើន និងទ្រព្យសម្បត្តិ សម្ភារៈមួយចំនួន។
បើតាមអ្នកនាំពាក្យសាលាដំបូងខេត្តបន្ទាយមានជ័យបានឲ្យដឹងទៀតថា តាមរយៈតាមដីកាសន្និដ្ឋានបញ្ជូនរឿងឱ្យស៊ើបសួរ របស់តំណាងអយ្យការ ជនសង្ស័យទាំង៣នាក់ ជនជាតិថៃត្រូវបានចោទប្រកាន់ពីបទល្មើសជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន តាមមាត្រា៤០ និងមាត្រា៤៥ នៃច្បាប់ស្តីពីការត្រួតពិនិត្យគ្រឿងញៀន៕
