សាហាវមែន, ខ្មាន់កាំភ្លើងចូលទៅបាញ់មនុស្សដល់ក្នុងផ្ទះនៅក្រុងពោធិ៍សាត់

មានករណីជនដៃដល់០២នាក់បានចូលទៅបាញ់ជនរងគ្រោះបណ្តាលឲ្យរងរបួស​ប្តីប្រពន្ធ និងម្តាយ នៅភូមិបណ្តុះសណ្តែក សង្កាត់បន្ទាយដី ក្រុងពោធិ៍សាត់ នៅវេលាម៉ោងជិត៧យប់ថ្ងៃទី២ ខែកុម្ភៈ ឆ្នាំ២០២៤។

តាមប្រភពបានឲ្យដឹងថា ខ្មាន់កាំភ្លើងមានគ្នា០២នាក់ដោយបានចូលទៅបាញ់ជនរងគ្រោះរកស៊ីលក់ត្រី បណ្តាលឲ្យរងរបួសធ្ងន់ប្តីប្រពន្ធ និងស្រ្តីជាម្តាយ។

ទាក់ទិនករណីខាងលើនេះ សមត្ថកិច្ចកំពុងតែធ្វើការស្រាវជ្រាវជាបន្ទាន់ ដើម្បីស្វែងរកចាប់ជនដៃដល់។

ទោះបីយ៉ាងណា ករណីខាងលើនេះ គេនៅមិនទាន់ដឹងថាបណ្តាលមកពីមូលហេតុអ្វីនោះទេ៕