មហាជនស្នើដល់លោកអភិបាលខេត្តរតនៈគិរីជួយបង្ក្រាបល្បែងស៊ីសងអនឡាញនៅកណ្ដាលក្រុងបានលុងនិងស្រុកកូនមុំដែលលួចបើកលេងបំពានច្បាប់ស្តីពីការបង្ក្រាបល្បែងស៊ីសងផង!
(រតនគិរី)៖ ល្បែងស៊ីសងតាមប្រព័ន្ធ Online ខុសច្បាប់មួយកន្លែងស្ថិតនៅក្នុងភូមិកន្ទិល សង្កាត់បឹងកន្សែង ក្រុងបានលុង និងនៅភូមិ៣ ឃុំស្រែអង្គ្រង ស្រុកកូនមុំ ជិតក្បាលស្ពានស្រែពក ក្នុងផ្ទះលក់កាហ្វេរ ខេត្តរតនគិរីបានកំពុងលួចបើកដំណើរការឲ្យគេចូលលេងយ៉ាងស្ងៀមស្ងាត់បំពានច្បាប់ស្តីពីការបង្ក្រាបល្បែងស៊ីសង ខណៈមហាជនបានស្នើសុំឲ្យលោក ញ៉ែម សំអឿន អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តរតនគិរីមេត្តាជួយបង្ក្រាប។ នេះបើតាមប្រភពដែលបណ្ដាញសារព័ត៌មាន The Mirror News ទទួលបាននៅថ្ងៃទី១៤ ខែធ្នូ ឆ្នាំ២០២៤នេះ។
ប្រភពបានខ្សឹបឲ្យដឹងទៀតថា ប្រជាពលរដ្ឋបានប្រទះឃើញថា មានករណីបើកល្បែងស៊ីសងអនឡាញ នៅក្នុងខេត្តរតនគិរី ដែលទង្វើនោះគឺកំពុងប្រឆាំងជាមួយបទបញ្ជារបស់ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា ដែលបានបញ្ជាឱ្យអាជ្ញាធរ និងកងកម្លាំងមានសមត្ថកិច្ចទាំងថ្នាក់ជាតិ និងថ្នាក់ក្រោមជាតិ ធ្វើប្រតិបត្តិការបង្ក្រាបដោយចាប់ខ្លួនអ្នកពាក់ព័ន្ធ និងស្នើបិទមធ្យោបាយល្បែងស៊ីសងខុសច្បាប់ មិនឱ្យមានដំណើរការចាប់ពីថ្ងៃទី១១ ខែធ្នូ នេះតទៅ។ ហើយលោក ស សុខា ក៏បានចេញសារាចរណែនាំ ៥ចំណុច ដើម្បីបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ បន្ទាប់ពីក្រសួងបានសង្កេតឃើញថា បណ្ដាញទំនាក់ទំនងសង្គម និងប្រព័ន្ធផ្សព្វផ្សាយមួយចំនួនបានផលិតរូបភាព វីដេអូ និងមាតិកាល្បែងស៊ីសងខុសច្បាប់ ព្រមទាំងផ្សព្វផ្សាយល្បែងស៊ីសងនោះដើម្បីអូសទាញប្រជាពលរដ្ឋឱ្យលេងល្បែង ទាំងលេងផ្ទាល់ ទាំងលេងតាមអនឡាញ ហើយក្រសួងក៏សម្គាល់ឃើញបុគ្គលមានប្រជាប្រិយភាព និងអ្នកផលិតមាតិកាសង្គមចូលរួមក្នុងសកម្មភាពផ្សព្វផ្សាយផងដែរ។ ជាមួយនោះ អគ្គស្នងការនគរបាលជាតិ លោក ស ថេត បានប្រាប់អ្នកសារព័ត៌មានថា កម្លាំងនគរបាលជាតិចាប់ពីថ្នាក់ក្រសួងមហាផ្ទៃ រួមទាំងអគ្គស្នងការដ្ឋាននគរបាលជាតិដល់ថ្នាក់ក្រោមជាតិ រួមទាំងស្នងការដ្ឋាននគរបាលរាជធានី ខេត្ត អធិការដ្ឋានក្រុង ស្រុក ខណ្ឌ និងប៉ុស្តិ៍នគរបាលរដ្ឋបាលឃុំ-សង្កាត់ នឹងបង្ក្រាបដោយគ្មានលើកលែងនោះឡើយ។ ទន្ទឹមនោះ ក្នុងកិច្ចប្រជុំគណៈរដ្ឋមន្ត្រី កាលថ្ងៃទី៦ ខែធ្នូ ឆ្នាំ២០២៤ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានណែនាំឱ្យបន្តការយកចិត្តទុកដាក់ក្នុងការទប់ស្កាត់ និងបង្ក្រាបល្បែងស៊ីសងខុសច្បាប់ ល្បែងអនឡាញ ល្បែងផ្សងសំណាង និងការជួញដូរគ្រឿងញៀនគ្រប់ប្រភេទនៅតាមមូលដ្ឋាន។
បើតាមប្រភពបានឲ្យដឹងថា ល្បែងអនឡាញសុីសងដូចជាឆ្នោតឡូតូ ឬជល់មាន់ ដែលបានកំពុងដំណើរការលួចលាក់បិទបើកៗនៅមូលដ្ឋានក្រុងបានលុងនិងស្រុកកូនមុំ អាជ្ញាធរមូលដ្ឋាននៅមិនទាន់ចុះទៅបង្ក្រាបឲ្យអស់ពីមូលដ្ឋាននៅឡើយ។
ប្រជាពលរដ្ឋបានសំនូមពរទៅលោកស្នងការនគរបាលខេត្ត រតនគិរីនិងលោកអភិបាលខេត្តរតនៈគិរីជួយពិនិត្យឲ្យបានគ្រប់ជ្រុងជ្រោយ ចំពោះករណីល្បែងស៊ីសងអនឡាញដែលកំពុងលួចដំណើរការយ៉ាងស្ងាត់ស្ងៀមនៅក្នុងមូលដ្ឋាននៃខេត្តរតនគិរីផង។
*បើតាមច្បាប់ស្តីពីការបង្ក្រាបល្បែងស៊ីសង៖
មាត្រា១៖ ត្រូវហាមឃាត់ជាដាច់ខាតការលេងល្បែងស៊ីសងគ្រប់ប្រភេទ នៅគ្រប់ទីកន្លែងទូទាំងព្រះរាជាណា- ចក្រកម្ពុជា លើកលែងតែបានទទួលការអនុញ្ញាតពីរាជរដ្ឋាភិបាល។
បើតាមមាត្រា៤៖ ជនណាលេងល្បែងស៊ីសង ជននោះត្រូវផ្តន្ទាទោសពិន័យជាប្រាក់ពីមួយម៉ឺនរៀល (១០.០០០៛០០ ) ដល់ប្រាំម៉ឺនរៀល (៥០.០០០៛០០) ឫដាក់គុកពីមួយសប្តាហ៍ដល់មួយខែ។
ក្នុងករណីពុំរាងចាល ត្រូវផ្តន្ទាទោសពិន័យជាប្រាក់ពីប្រាំម៉ឺនរៀល (៥០.០០០៛០០ )ដល់ប្រាំសែនរៀល ( ៥០០.០០០៛០០) និងដាក់គុកពីមួយខែដល់មួយឆ្នាំ។
បើតាមមាត្រា៥៖ ត្រូវផ្តន្ទាទោសពិន័យជាប្រាក់ពីប្រាំលានរៀល (៥.០០០.០០០៛០០ ) ដល់ម្ភៃលានរៀល ( ២០.០០០.០០០៛០០) និងដាក់គុកពីមួយឆ្នាំដល់ប្រាំឆ្នាំ ចំពោះអ្នកបើកកន្លែងលេងល្បែងស៊ីសង អ្នកកាន់កាប់ ល្បែងស៊ីសង អ្នកចាត់ចែងនិងភ្នាក់ងារស៊ីសង។ ក្នុងករណីពុំរាងចាល ត្រូវផ្តន្ទាទោសពិន័យជាប្រាក់និងដាក់គុកខាងលើនេះជាអតិបរមា ។
បើតាមមាត្រា៦៖ កាលណានៅក្នុងវង់ល្បែងមានអនីតិជនម្នាក់ឬច្រើននាក់នៅជាមួយផង ទោសដែលបានចែងក្នុងមាត្រា ៤ និងមាត្រា ៥ នៃច្បាប់នេះ ត្រូវយកមកអនុវត្តដល់អតិបរមា ។
បើតាមមាត្រា៧៖ ក្នុងករណីណាក៏ដោយ ប្រាក់ដែលដាក់ក្នុងវង់ល្បែង ប្រាក់ដែលមាននៅនឹងខ្លួនអ្នកចាត់ចែងល្បែង នៅនឹងខ្លួនមេល្បែង នៅនឹងខ្លួនភ្នាក់ងារល្បែង នៅនឹងខ្លួនអ្នកនឹងខ្លួនអ្នកជួយស៊ីសងក្នុងវង់ល្បែង នៅនឹងខ្លួនអ្នកទទួល ភារកិច្ចខាងគណនេយ្យ នៅនឹងខ្លួនអន្តរការីនិងនៅនឹងខ្លួនអ្នកលេងល្បែង ត្រូវភ្នាក់ងារមានសមត្ថកិច្ចចាប់រឹបអូស ហើយធ្វើកំណត់ហេតុឱ្យបានត្រឹមត្រូវបញ្ជូនទៅតុលាការ។
ទោះបីជាយ៉ាងណាក៏ដោយ មហាជននៅទន្ទឹងរង់ចាំមើលពីចំណាត់ការរបស់លោក គួច ចំរើន អភិបាលខេត្តកណ្ដាលចំពោះករណីមេឆ្នោតវៀតណាមខាងលើនេះ៕
