ឯកឧត្តម ហេង រតនា៖ «អ្វីៗដែលគណបក្សប្រជាជនបាននិងកំពុងធ្វេីគឺជាការអនុវត្តជាក់ស្តែងមិនមែនជាការសន្យាស្រមេីស្រមៃនោះទេ!»
កណ្តាល៖ «អ្វីៗដែលគណបក្សប្រជាជនបាននិងកំពុងធ្វេីគឺជាការអនុវត្តជាក់ស្តែងមិនមែនជាការសន្យាស្រមេីស្រមៃនោះទេ!»។នេះជាការបញ្ជាក់របស់ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកំចាត់មីននៅកម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកលើកដែកនៅលើហ្វេសប៊ុកនៅថ្ងៃទី០៨ ខែកក្កដា ឆ្នាំ២០២៣។
ឯកឧត្តម ហេង រតនា បានបន្តថា ជាក់ស្តែងលោកពូអ្នកមីងនិងបងប្អូនប្រជាពលរដ្ឋទាំងអស់ដែលកំពុងរស់នៅភូមិព្រែកបាក់ ឃុំព្រែកទម្លាក់ ស្រុកលេីកដែក ដែលបានលេីកដៃនេះ សុទ្ធតែបានទទួលប្រាក់ឧបត្ថម្ភតាមរយ:មូលនិធិសមធម៌(ប័ណ្ណក្រីក្រ) របស់រាជរដ្ឋាភិបាលដែលដឹកនាំដោយគណបក្សប្រជាជន ហេីយជាសាក្សីរស់ដែលបានទទួលប្រាក់ឧបត្ថមសំរាប់ទ្រទ្រង់និងដោះស្រាយការលំបាកក្នុងជីវភាពរស់នៅ។
ឯកឧត្តមបានបន្តទៀតថា ក្នុងអណត្តទី៧នៃរដ្ឋសភាខាងមុខប្រសិនជាគណបក្សប្រជាជនដែលមានសម្តេចតេជោជាប្រមុខបន្តដឹកនាំ នោះមូលនិធិសង្គមនិងមូលនិធិសមធម៌នឹងបន្តពង្រីកបន្ថែមទៀតសំរាប់គ្រួសារមានជីវភាពទីទាល់ក្រលំបាកនិងងាយរងគ្រោះ តាមរយ:ការឧបត្ថម្ភមូលនិធិសមធម៌ជូន ស្ត្រីមានផ្ទៃពោះ ជនពិការភាព សិស្ស និងចាស់ជរា!។
ឯកឧត្តម ហេង រតនា បានបន្ថែមឲ្យដឹងថា ទាំងនេះជាបុព្វហេតុរបស់គណបក្សប្រជាជន គឺថាទុក្ខលំបាករបស់ប្រជាជនជាភារកិច្ចរបស់គណបក្សត្រូវប្រយុទ្ធដោះស្រាយ ហេីយភាពសុខដុមរម្យនារបស់ប្រជាជនគឺជាជោគជ័យរបស់គណបក្ស។ សមាជិកគណបក្សប្រជាជនគ្រប់រូបមានភារកិច្ចការពារបុព្វហេតុរបស់គណបក្ស ដូចនេះត្រូវតែចេញទៅបោះឆ្នោតទាំងអស់គ្នានិងបោះឆ្នោតគាំទ្រគណបក្សប្រជាជនដែលបានត្រឹមត្រូវជា “សន្លឹកឆ្នោតបានការ” សម្រាប់គណបក្សប្រជាជន៕
