សមត្ថកិច្ចចាប់ខ្លួនអ្នកកក្លែងជាបុគ្គលិកទូរទស្សន៍បាយ័ន
ភ្នំពេញ៖ កម្លាំងនាយកដ្ឋានប្រឆាំងបទល្មើសបច្ចេកវិទ្យា សហការជាមួយកម្លាំងរបស់ស្នងការដ្ឋាននគរបាលរាជធានីភ្ភ្នំពេញចុះឃាត់ខ្លួនអ្នកក្លែងអត្តសញ្ញាណជាបុគ្គលិកសារព័ត៌មានទូរទស្សន៍បាយ័នដើរសុំ និងជម្រិតទារប្រាក់ ពីថ្នាក់ដឹកនាំអង្គភាពនានាយកមកផ្ដន្ទាទោសបានហើយ។
ជនសង្ស័យឈ្មោះ មូល រតន: ត្រូវបានឃាត់ខ្លួនកាលពីព្រឹកថ្ងៃទី១៨ ខែកក្កដា ឆ្នាំ២០២៣ ដោយអនុវត្តតាមដីកាបញ្ជាឲ្យចូលខ្លួនរបស់ព្រះរាជអាជ្ញាអមសាលារាជដំបូងរាជធានីភ្នំពេញ។
ជនសង្ស័យបានសារភាពពីការប្រព្រឹត្តបទល្មើសខាងលើពិតប្រាកដមែនចាប់តាំងពីឆ្នាំ២០២១ មក និងធ្លាប់បានក្លែងបន្លំជាអ្នកសារព័ត៌មានមកពីអង្គភាពសារព័ត៌មានផ្សេងៗទៀតក្នុងគោលបំណងឆបោកប្រាក់។
គួរជម្រាបជូនថា កម្លាំងនាយកដ្ឋានប្រឆាំងបទល្មើសបច្ចេកវិទ្យានៅថ្ងៃទី១៩ ខែកក្កដា ឆ្នាំ២០២៣នេះ បានបញ្ជូនជនសង្ស័យទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីនៃច្បាប់ហើយ៕
