អាជ្ញាធររាជធានីភ្នំពេញអំពាវនាវដល់ប្រជាពលរដ្ឋ ដែលជាអ្នកបានដាក់បញ្ចាំស្របច្បាប់ឬជនរងគ្រោះដែលបានបាត់ម៉ូតូរុះរាន់មកដាក់ពាក្យបណ្ដឹងស្នេីសុំម៉ូតូបន្ថែម
អាជ្ញាធររាជធានីភ្នំពេញអំពាវនាវដល់ប្រជាពលរដ្ឋ ដែលជាអ្នកបានដាក់បញ្ចាំស្របច្បាប់ ឬជនរងគ្រោះដែលបានបាត់ម៉ូតូ សូមរុះរាន់មកដាក់ពាក្យបណ្ដឹងស្នេីសុំម៉ូតូបន្ថែម តាមរយៈការិយាល័យព្រហ្មទណ្ឌកម្រិតស្រាលនៃស្នងការដ្ឋានរាជធានីភ្នំពេញ ដេីម្បីឆាប់បានក្រុមការងារបន្តនីតិវិធីលេីម៉ូតូដែលសេសសល់ផ្សេងទៀត។
ការអំពាវនាវខាងលើ ក្នុងពេលដែលលោក ឃ្លាំង ហួត អភិបាលរងរាជធានីភ្នំពេញបានចុះទៅប្រគល់ម៉ូតូមានឯកសារគ្រប់គ្រាន់ដែលកន្លងមកម្ចាស់បានយកដាក់បញ្ចាំស្របច្បាប់ ចំនួន២៦២គ្រឿងជូនទៅម្ចាស់អាជីវកម្មវិញ នៅវេលាម៉ិង៩៖០០នាទីព្រឹក ថ្ងៃទី០៧ ខែកញ្ញា ឆ្នាំ២០២៣។
គួរជម្រាបថា ក្នុងពិធីប្រគល់ម៉ូតូខាងលើ ក៏មានការចូលពីក្រុមការងារសាលារាជធានីភ្នំពេញ, មន្ត្រីរាជការខណ្ឌទួលគោក, ខណ្ឌជ្រោយចង្វារ, ស្នងការរងរាជធានីភ្នំពេញ និងមន្រ្តីកងរាជអាវុធហត្ថខណ្ឌទួលគោក ដោយមានការចូលរួមពីនិយ័តករអាជីវកម្មអចលនវត្ថុ និងបញ្ចាំ នៃក្រសួងសេដ្ឋកិច្ច និងហិរញ្ញវត្ថុ និងព្រះរាជអាជ្ញារងរាជធានីភ្នំពេញ និងសមាសភាពពាក់ព័ន្ធដទៃទៀតផងដែរ៕
