បើកម៉ូតូលឿនដូចហោះបណ្ដាលឲ្យដួលស្លាប់ខ្លួនឯងនៅស្រុកស្នួល

ក្រចេះ៖ មានករណីគ្រោះថ្នាក់ចរាចរណ៍មួយបានកើតឡើងនៅវេលាម៉ោង​៤:៣០នាទីទៀបភ្លឺ​ ថ្ងៃទី៩ ខែមីនា ឆ្នាំ​២០២៣​ នៅត្រង់ចំណុចផ្លូវលំ អូរក្រសាំង ភូមិរំពុក ឃុំស្វាយជ្រះ ស្រុកស្នួល​ ខេត្តក្រចេះ​ បណ្ដាលឲ្យយុវជនម្នាក់បានស្លាប់បាត់បង់ជីវិតដោយខ្លួនឯង។

តាមប្រភពបានឲ្យដឹងថា ម៉ូតូជនរងគ្រោះម៉ាក ហុងដាឌ្រីម ពណ៌ខ្មៅ​ ពាក់ផ្លាកលេខ កំពុងចាម 1M-6386 បេីករបរដោយឈ្មោះ ហង សង្ហា  ភេទប្រុស អាយុ ២៦ឆ្នាំ នៅភូមិជីមាន់ជើង ឃុំក្រែក ស្រុកពញ្ញាក្រែក ខេត្តត្បូងឃ្មុំ បានស្លាប់នៅនឹងកន្លែងកើតហេតុ ដោយធ្វេីដំណេីរពីទិសខាងជើង ឆ្ពោះទៅទិសខាងត្បូងដោយមូលហេតុ​ប្រើប្រាស់ល្បឿនលឿន ខ្វះកាប្រុងប្រយ័ត្ថ។លុះមកដល់ចំនុចកេីតហេតុខាងលេី​ ក៏បានរេចង្គូតធ្លាក់ផ្លូវដោយខ្លួនឯង។

ប្រភពបន្តថា កម្លាំងជំនាញផ្នែកសណ្តាប់បានយកម៉ូតូប្រគល់ជូនគ្រួសារអ្នករងគ្រោះ នៅកន្លែងកើតហេតុវិញ ចំណែកសពកម្លាំងជំនាញបានប្រគល់ជូនក្រុមគ្រសារយកទៅធ្វើបុណ្យតាមប្រពៃណី៕