តើលោក កៀង ល័ក្ស ហ៊ានចុះបង្ក្រាបមជ្ឈមណ្ឌលពិភពកំសាន្ត ឃូលរីមិច លួចបេីកហ្គេមបាញ់ត្រីខុសច្បាប់ទេ? (មានVideo)
ភ្នំពេញ៖ មជ្ឈមណ្ឌល ឃូលរីមិច លួចបើកល្បែងសុីសងហ្គេមបាញ់ត្រីខុសច្បាប់ និងមានជនជាតិចិនចេញចូលលេងរៀងរាល់ថ្ងៃ ក្នុងផ្សារចិនជិតកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ នេះបើតាមប្រភពដែលបណ្ដាញសារព័ត៌មាន The Mirror News ទទួលបាននៅថ្ងៃទី១៤ ខែមីនា ឆ្នាំ២០២៣។
ប្រភពព័ត៌មានបានបន្តថា ពួកគាត់ហាក់មានការស្រងាកចិត្ត និងមានការងើងឆ្ងល់យ៉ាងខ្លាំង ដោយសាតែមូលហេតុអ្វីបានជាមិនបង្រ្កាប ខណៈល្បែងស៊ីសងនេះហើយ ជាដេីមចម នៃបទល្មើសជាច្រើនដូចជា លួច ឆក់ ប្លន់ និងអំពើហិង្សា នៅក្នុងមូលដ្ឋាន។ តើលោក កៀង ល័ក្ស អភិបាលចំការមន ហ៊ានបង្ក្រាបល្បែងស៊ីសងខ្នាតយក្សដ៏ធំប្រចាំខណ្ឌនេះដែរឬឬទេ ឬក៏ខ្លាចបារមីម្ចាស់ទីតាំង ឬក៏ខ្លាចអស់តំណែងតួនាទី ឬមួយមិនដឹង?
ប្រភពព័ត៌មានបានឲ្យដឹងទៀតថា ការមិនបង្ក្រាបល្បែងស៊ីសងខុសច្បាប់នៅក្នុងមូលដ្ឋានរបស់ខ្លួន ហាក់ជាការដើរបញ្ជ្រាស់ទិស ពីគោលនយោបាយភូមិ ឃុំ សង្កាត់ មានសុវត្ថិភាព ទាំង៧ ចំណុចរបស់រាជរដ្ឋាភិបាលកម្ពុជា។
គួររំលឹកថា កាលថ្ងៃទី១៧ ខែកញ្ញា ឆ្នាំ២០២២ កន្លងទៅ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញបទបញ្ជាដាច់ណាត់មួយឲ្យអភិបាលរាជធានី ខេត្ត ទូទាំង២៥ ខេត្តក្រុង ត្រូវបិទទីតាំងបនល្បែងស៊ីសង គ្រប់ប្រភេទទាំងអស់អោយខាងតែបាន។ សម្តេចតេជោហ៊ុនសែន បានបញ្ជាក់យ៉ាងច្បាស់ដាច់ណាត់ថា អាជ្ញាធរស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ នឹងត្រូវប្រឈមបាត់បង់តំណែងទៀតផង។
ប្រភពបន្តថា តើហ្គេមបាញ់ត្រីខ្នាតយក្សដ៏ធំប្រចាំខណ្ឌចំការមន លោក កៀង ល័ក្ស អភិបាលខណ្ឌចំការមន មានសមត្ថភាព និងហ៊ានបង្ក្រាបដែរទេ បើបានទទួលព័ត៌មាននេះហើយ?
ប្រភពព័ត៌មានច្បាស់ការណ៍មួយបន្តទៀតថា ពាក់ព័ន្ធករណី ហ្គេមបាញ់ត្រីនៅមជ្ឈមណ្ឌល ឃូលរីមិច នេះ ពួ
កគេបានសាកសួរលោក កៀង ល័ក្ស អភិបាលខណ្ឌចំការមនតាមរយះសារអេឡិចត្រូនិច តេឡេក្រាម លោកបានត្រឹមតែចូលមើល ប៉ុន្តែមិនមានការឆ្លើយតបនោះទេ៕