ឆក់ខ្សែកមិនបានសម្រេចនៅគល់ស្ពានស្ទឹងមានជ័យត្រូវកម្លាំងប៉ូលិសមហាផ្ទៃស្រាវជ្រាវបង្ក្រាបបាន

លោកឧត្តមសេនីយ៍ត្រី​ ប៊ុត​ វណ្ណារដ្ឋ​ អនុប្រធាននាយកដ្ឋានទទួលផែន បានដឹកនាំកម្លាំងជំនាញការិយាល័យព្រហ្មទណ្ឌកម្រិតធ្ងន់ ដែលមានលោកវរសេនីយ៍ឯក​ ញ៉ែម​ វ៉ន​ ជានាយការិយាល័យ​ ដោយមានការចូលរួមសហការពីលោក​ វរសេនីយ៍ទោ​ ប៊ុត​ សុីម៉េង​ ជានាយការិយាល័យ​បានធ្វេីការស្រាវជ្រាវនឹងបេីក​ការ​ស៊េីបអង្កេត​កំណត់មុខ​សញ្ញាដោយបានធ្វេីការឃាត់ខ្លួនជនសង្ស័យពាក់ព័ន្ធករណីឆក់ខ្សែកមិនបានសម្រេចនៅគល់ស្ពានស្ទឹងមានជ័យ កាលពីថ្ងៃទី២០ ខែកុម្ភះ ឆ្នាំ២០២៤ នៅវេលាម៉ោង២០៖១៥នាទី​ត្រង់ចំណុចផ្លូវលេខ៣៤៤ ក្នុងសង្កាត់បឹងសាឡាង ខណ្ឌទួលគោក។ ជនសង្ស័យឈ្មោះ​ ​គី​ តុងបី ភេទប្រុស​ អាយុ១៧ឆ្នាំ​ ជនជាតិខ្មែរ​ ជាអ្នកបិទគូទ។ នេះបើតាមប្រភពដែលបណ្ដាញសារព័ត៌មាន The Mirror News ទទួលបាននៅថ្ងៃទី២២ ខែកុម្ភៈ ឆ្នាំ២០២៥នេះ។

ប្រភពបានបន្តថា កាលពីថ្ងៃទី១៩ ខែកុម្ភៈ ឆ្នាំ២០២៤ វេលាម៉ោង១៧៖០០នាទី​ បក្ខពួកខ្លួនបានធ្វេីសកម្មភាពឆក់ខ្សែកពីនារីរងគ្រោះកំពុងជិះម៉ូតូម្នាក់ឯងតែមិនបានសម្រេចនៅចំណុច​ផ្លូវលេខ២៧១ ត្រង់ចំណុចគល់ស្ពានស្ទឹងមានជ័យ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

ចំពោះសម្ភារៈដកហូតបានរួមមាន៖ ម៉ូតូម៉ាក​ ហុងដា-ស្កុបពី ពណ៌ខ្មៅ​​ ពាក់ស្លាកលេខ​ ភ្នំពេញ​ 1GW-3927 ជារបស់ជនសង្ស័យ។

បច្ចុប្បន្នជនសង្ស័យនិហវត្ថុតាងខាងលេី​ មន្ត្រីជំនាញកំពុង​កសាងសំណុំរឿងបញ្ជូន​ទៅអយ្យការអមសាលាដំបូងរាជធានីភ្នំពេញ៕