ឯកឧត្តម ហាក់ សុខមករា អញ្ជើញចូលរួមកិច្ចប្រជុំផ្សព្វផ្សាយស្តីពីការដាក់ចេញនូវយុទ្ធសាស្ត្រ និងពង្វាងទឹកចេញពីភូមិសាស្ត្ររាជធានីភ្នំពេញ
ឯកឧត្តម ហាក់ សុខមករា អភិបាលរងនៃគណៈអភិបាលខេត្តកណ្តាល នៅថ្ងៃចន្ទ ទី១៣ ខែវិច្ឆិកា ឆ្នាំ២០២៣ បានអញ្ជើញចូលរួមកិច្ចប្រជុំផ្សព្វផ្សាយស្តីពីការដាក់ចេញនូវយុទ្ធសាស្រ្តដ៏រឹងមាំ និងការបើកការដ្ឋានសាងសង់ប្រព័ន្ធរំដោះទឹកជំនន់ទឹកភ្លៀង និងការកសាងប្រព័ន្ធពង្វាងទឹកជំនន់មកពីបណ្តាខេត្តនានាដែលនៅជាប់នឹងរាជធានីភ្នំពេញ និងទឹកជំនន់ពីទន្លេតាមគ្រប់ច្រកចេញពីទីក្រុងភ្នំពេញ និងខេត្តកណ្តាលក្រោមអធិបតីភាពឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម។
ក្នុងកិច្ចប្រជុំខាងលើនេះ ក៏មានការអញ្ជើញចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ អគ្គនាយកដ្ឋានដោះស្រាយផលប៉ះពាល់ សហការីក្រសួងធនធានទឹក និងឧតុនិយម និងប្រធានមន្ទីរធនធានទឹក និងឧតុនិយមខេត្តកំពង់ស្ពឺ ខេត្តតាកែវ ខេត្តកណ្តាល និងរាជធានីភ្នំពេញ រួមជាមួយលោក លោកស្រី ប្រធាន និងមន្រ្តីនៃមន្ទីរពាក់ព័ន្ធទាំងអស់របស់សាលាខេត្តកណ្តាល និងអាជ្ញាធរដែនដីគ្រប់លំដាប់ថ្នាក់។
គួរជម្រាបជូនថា ក្រសួងធនធានទឹក និងឧតុនិយមនឹងសហការជាមួយគ្រប់ផ្នែក គ្រប់ថ្នាក់នៃក្រសួង ស្ថាប័នរដ្ឋ និងអាជ្ញាធរដែនដីថ្នាក់ក្រោមជាតិគ្រប់លំដាប់ថ្នាក់អនុវត្តឱ្យបានគ្រប់ដែនយុត្តាធិការរបស់ខ្លួន ដើម្បីធានានូវសន្តិសុខ និងសុវត្ថិភាពទឹកជូនរាជធានីភ្នំពេញនារដូវកាលខាងមុខ៕
