ក្រុមប៉ូលិសព្រហ្មទណ្ឌមហាផ្ទៃបង្ក្រាបក្រុមមុខសញ្ញាឆក់ខ្សែកពីនារីរងគ្រោះ បានហេីយ!
ក្រុមមុខសញ្ញាឆក់ខ្សែកពីនារីរងគ្រោះ ត្រូវបានលោកនាយឧត្តមសេនីយ៍ ស ថេត អគ្គស្នងការនគរបាលជាតិណែនាំឲ្យលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌធ្វេីការស្រាវជ្រាវនឹងបេីកការស៊េីបអង្កេតកំណត់មុខសញ្ញាតាមរយះកាម៉េរ៉ាសុវត្ថិភាព និងឈានដល់ការចាប់ឃាត់ខ្លួនបានចំនួន០២នាក់យកទៅផ្ដន្ទាទោសតាមច្បាប់។
នៅវេលាម៉ោង១៨៖២០នាទីត្រង់ ថ្ងៃទី១៦ ខែកុម្ភៈ ឆ្នាំ២០២៤ នៅចំណុចផ្ទះសំណាក់មាស៩៩ ក្នុងបន្ទប់លេខ១០ ក្នុងសង្កាត់បឹងត្របែក ខណ្ឌចំការមន បានធ្វេីឃាត់ខ្លួនជនសង្ស័យបានចំនួន០២នាក់ រួមមាន៖ ១-ឈ្មោះ តាំង វ៉ាន់ណាក់ ហៅ និត ភេទប្រុស អាយុ៣១ឆ្នាំ ជនជាតិខ្មែរ (អ្នកបេីក) និង២- ឈ្មោះ សម្បត្តិច័ន្ទសីហា ហៅ ខួច ភេទប្រុស អាយុ២៦ឆ្នាំ ជនជាតិខ្មែរ (ដៃដល់)ដែលបានធ្លាប់ធ្វេីសកម្មភាពកាលពីថ្ងៃទី១៤ ខែកុម្ភៈ ឆ្នាំ២០២៤ វេលាម៉ោង១០៖៥០នាទី បានធ្វេីសកម្មភាពឆក់ខ្សែកពីនារីរងគ្រោះកំពុងដេីរម្នាក់ឯងបានសំរេចនៅចំណុចផ្លូវលេខ៤៣៦កែងផ្លូវលេខ១០១ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។
ចំពោះសម្ភារៈដកហូតរួមមាន៖ ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ1KD-1512(របស់ជនសង្ស័យ)។
បច្ចុប្បន្ន ជនសង្ស័យនុងវត្ថុតាងខាងលេី កម្លាំងការិយាល័យកំពុង កសាងសំណុំរឿង បញ្ជូនទៅអយ្យការអមសាលាដំបូងរាជធានីភ្នំពេញ៕
