រយះពេល២ថ្ងៃ នាយឧត្តមសេនីយ៍ ឈន សារ៉ាណេ បានចាត់ឱ្យតំណាងយកអាវគាំទ្រសមាគមកីឡាបាល់ទាត់ក្រសួងមហាផ្ទៃជាង៧០០អាវជូនអគ្គលេខាធិការដ្ឋានក្រុមប្រឹក្សាកីឡានិងអគ្គលេខាធិការដ្ឋានក្រុមប្រឹក្សាកីឡា
ភ្នំពេញ៖ រយះពេល២ថ្ងៃ ឯកឧត្តមនាយឧត្តមសេនីយ៍ ឈន សារ៉ាណេ អនុរដ្ឋលេខាធិការ និងជាប្រធានសមាគមកីឡាបាល់ក្រសួងមហាផ្ទៃ បានចាត់ឱ្យលេខាធិការដ្ឋានយកអាវគាំទ្រសមាគមកីឡាបាល់ទាត់ក្រសួងមហាផ្ទៃជាង៧០០អាវ ឧបត្ថម្ភជូនអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងអគ្គនាយកដ្ឋានអន្តោប្រវេសន៍និងអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ និងសហការី។
គួរជម្រាបជូនថា ដោយមានការណែនាំចង្អុលបង្ហាញ និងបានកំពុងបន្តអនុវត្តតាមគោលការណ៍របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងការរួមចំណែកផ្សព្វផ្សាយវិស័យកីឡា ជាពិសេសកីឡាបាល់ទាត់ក្រសួងមហាផ្ទៃ ឱ្យបានកាន់តែទូលំទូលាយ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ និងជាប្រធានសមាគមកីឡាបាល់ក្រសួងមហាផ្ទៃ កាលពីថ្ងៃចន្ទ ទី០២ ខែធ្នូ ឆ្នាំ២០២៤ បានចាត់ឱ្យលេខាធិការដ្ឋានយកអាវគាំទ្រសមាគមកីឡាបាល់ក្រសួងមហាផ្ទៃ ចំនួន១០៤អាវ ជូន ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ និងសហការី ដោយផ្ទាល់។
ឯកឧត្តមនាយឧត្តមសេនីយ៍ ឈន សារ៉ាណេ កាលពីថ្ងៃអង្គារ ទី០៣ ខែធ្នូ ឆ្នាំ២០២៤ក៏បានចាត់ឱ្យលេខាធិការយកអាវគាំទ្រសមាគមកីឡាបាល់ក្រសួងមហាផ្ទៃ ចំនួន៦៧០អាវ ជូន ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ និងសហការី ដោយផ្ទាល់។
សមាគមកីឡាបាល់ទាត់ក្រសួងមហាផ្ទៃ សូមថ្លែងអំណរគុណយ៉ាងជ្រាលជ្រៅបំផុតដល់ ឯកឧត្តម អគ្គលេខាធិការ នៃអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ និងសហការី និងឯកឧត្តម ឧត្តមសេនីយ៍ឯក អគ្គនាយក នៃអគ្គនាយកដ្ឋានអន្តោប្រវេសន៍ និងសហការី សូមប្រកបដោយសុខភាពល្អបរិបូរណ៍ ទទួលបាននូវជោគជ័យក្នុងការងារថ្មីៗបន្ថែមទៀតស្របតាមគោលនយោបាយយុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា៕
