ប្តីចិត្តកំណាចព្រោះតែភ្លើងប្រច័ណ្ឌយកកូនកាំបិតអារកប្រពន្ធស្លាប់យ៉ាងសាហាវព្រៃផ្សៃ

(ក្រចេះ)៖ បុរសជាប្តីព្រោះតែភ្លើងប្រច័ណ្ឌបានយកកូនកាំបិតអារកប្រពន្ធស្លាប់យ៉ាងសាហាវព្រៃផ្សៃ កាលពីព្រឹកថ្ងៃទី៩ ខែមករា ឆ្នាំ២០២៥ នៅចំណុចអន្លង់ក្រវែន ភូមិច្រកដំបង ឃុំកំពង់ដំរី ស្រុកឆ្លូង បន្ទាប់ពីធ្វើសកម្មភាពនេះរួចបុរសជាប្ដីបានជិះម៉ូតូរត់គេចខ្លួនទៅបញ្ចប់ជីវិតខ្លួនឯងដោយចង ក តាមក្រោយ។

សមត្ថកិច្ចមូលដ្ឋានបានឲ្យដឹងថា ចំពោះជនរងគ្រោះដែលស្លាប់ក្នុងអំពើឃាតកម្មនេះឈ្មោះ ទេស ម៉ានីន ភេទស្រី អាយុ ៣១ ឆ្នាំ មុខរបរចុងភៅ មានទីលំនៅចំណុចអន្លង់ក្រវែន ភូមិច្រកដំបង ឃុំកំពង់ដំរី ស្រុកឆ្លូង ខេត្តក្រចេះ។ចំណែកជនសង្ស័យឈ្មោះ ខ្នា និត ភេទប្រុស អាយុ៣១ឆ្នាំ មុខរបរធ្វើចំការ មានទីលំនៅចំណុចអន្លង់ក្រវែន ភូមិច្ររកដំបង ឃុំកំពង់ដំរី ស្រុកឆ្លូង ខេត្តក្រចេះ។

បច្ចុប្បន្នសាកសពទាំងពីរបានប្រគល់ជូនក្រុមគ្រួសារធ្វើបុណ្យតាមប្រពៃណីក្រោមសំឡេងទួញសោកអាណិតអាឡោះអាល័យជាទីបំផុត៕