ឯកឧត្តម ហាក់ សុខមករា៖ ការចុះបញ្ជីដីធ្លីគឺជាផ្នែកមួយដ៏មានសារៈសំខាន់ក្នុងគោលនយោបាយដីធ្លីរបស់រាជរដ្ឋាភិបាល
កណ្ដាល៖ ឯកឧត្តម ហាក់ សុខមករា បានគូសបញ្ជាក់ថា «ការចុះបញ្ជីដីធ្លី គឺជាផ្នែកមួយដ៏មានសារៈសំខាន់ក្នុងគោលនយោបាយដីធ្លីរបស់រាជរដ្ឋាភិបាល គោលបំណងជាទូទៅ គឺសំដៅពង្រឹងសន្តិសុខកម្មសិទ្ធិដីធ្លី ទីផ្សារដីធ្លី ទប់ស្កាប់ ឬដោះស្រាយជម្លោះដីធ្លី គ្រប់គ្រងដីធ្លី និងធនធានធម្មជាតិប្រកបដោយសមធម៌ និរន្តរភាព និងប្រសិទ្ធភាព ព្រមទាំងជំរុញការបែងចែកដីធ្លីប្រកបដោយសមធម៌ ដោយរក្សានិរន្តរភាពបរិស្ថាន និងទប់ស្កាត់ការចូលទន្រ្ទានកាន់កាប់ដីរដ្ឋដោយខុសច្បាប់»។
ការគូសបញ្ជាក់របស់ឯកឧត្តម ហាក់ សុខមករា អភិបាលរងខេត្តកណ្ដាលក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ ជូនអ្នកកាន់កាប់ដីចំនួន២ភូមិ គឺភូមិសេរីសុខា និងភូមិត្រពាំងត្រាច ឃុំដំណាក់អំពិល ស្រុកអង្គស្នួល នាឱកាសនេះ។
ឯកឧត្តមអភិបាលរងបានបន្តថា ក្នុងនាមរដ្ឋបាលស្រុក ឯក ឧត្ដមសង្ឃឹមយ៉ាងមុតមាំថា សមិទ្ធផលថ្មីនៃការចុះបញ្ជីដីធ្លី និងការចែកជូនវិញ្ញាបនបត្រសម្គាល់ម្ចាស់អចលនវត្ថុនាឱកាសនេះ បានបង្ហាញអំពីលក្ខខណ្ឌគតិយុត្តទទួលស្គាល់ជាផ្លូវច្បាប់យ៉ាងពេញលេញ និងរឹងមាំជូនដល់ម្ចាស់កម្មសិទ្ធិដែលកំពុងកាន់កាប់ និងអាស្រ័យជាក់ស្តែងលើដីធ្លីរបស់ខ្លួន មានភាពច្បាស់លាស់ទាំងទីតាំងនិយាមការ្យក្បាលដី ទំហំ និងប្រភេទដី និងកាត់បន្ថយទំនាស់នានាដែលកើតមានអំពីភាពមិនច្បាស់លាស់នៃការកាន់កាប់កន្លងមក។
ឯកឧត្ដមបន្ថែមថា សមិទ្ធផលទាំងនេះបានបង្ហាញអំពីការយកចិត្តទុកដាក់ខ្ពស់របស់រាជរដ្ឋាភិបាលដែលមាន សម្តេមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណចក្រកម្ពុជា ជាអគ្គមគ្គុទ្ទេសដ៏ឆ្នើមបំផុត ដែលជានិច្ចជាកាល សម្តេច តែងបានគិតគួរអំពីសុខទុក្ខ និងផលប្រយោជន៍របស់ប្រជាពលរដ្ឋគ្រប់កាលៈទេសៈ។
ឯកឧត្តម ហាក់ សុខមករា បានសម្តែងនូវការស្វាគមន៍ និងថ្លែងអំណរគុណ ឯកឧត្តម លោកជំទាវ លោក លោកស្រី ដែលបានអញ្ជើញចូលរួមយ៉ាងច្រើនកុះករក្នុងពិធីនាថ្ងៃនេះ ដែលបានបង្ហាញអំពីការការរួបរួមសាមគ្គីរវាងថ្នាក់ដឹកនាំ មន្រ្តីរាជការគ្រប់លំដាប់ថ្នាក់របស់រដ្ឋបាលស្រុកនិងបានបង្ហាញអំពីការចូលរួមអបអរសាទរចំពោះសមិទ្ធផលថ្មីនៃការចុះបញ្ជីដីធ្លីមានលក្ខណៈជាប្រព័ន្ធរបស់ប្រជាពលរដ្ឋចំនួន ២ភូមិ គឺភូមិសេរីសុខា និងភូមិត្រពាំងត្រាច ឃុំដំណាក់អំពិល ស្រុកអង្គស្នួលខេត្តកណ្តាល ដែលសម្រេចបានជោគជ័យនាពេលនេះ ។
មានផ្លូវជាតិសំខាន់រួមមាន៖ ផ្លូវជាតិលេខ៤ ប្រវែង ១១.៦៥kmផ្លូវជាតិលេខ៥១ ប្រវែង ១៨.៣km ផ្លូវជាតិលេខ ៤១ ប្រវែង ៥.២km ផ្លូវរថភ្លើង ភ្នំពេញ-បាត់ដំបង ប្រវែង ៤.៩km ផ្លូវល្បឿនលឿនភ្នំពេញ-ខេត្តព្រះសីហនុ ប្រវែង ៩.៦ km៕
