តុលាការខេត្តកណ្ដាលសម្រេចផ្ដន្ទាទោសស្រ្តីហ្វីលីពីន១២នាក់ និងស្ត្រីខ្មែរម្នាក់ ក្នុងសំណុំរឿងពពោះជំនួស
កណ្ដាល៖ ការសម្រេចផ្ដន្ទាទោសស្រ្តីហ្វីលីពីនចំនួន១២នាក់ និងស្រ្តីខ្មែរម្នាក់នេះធ្វើឡើង ក្រោយតុលាការខេត្តកណ្ដាលបើកសវនាការជាអសាធារណ: ចំនួន២ថ្ងៃ ពីថ្ងៃ២៨ ខែវិច្ឆិកា ដល់២៩ ខែវិច្ឆិកា។ នេះបើតាមសេចក្ដីប្រកាសព័ត៌មានរបស់អ្នកនាំពាក្យសាលាដំបូងខេត្តកណ្ដាល នៅថ្ងៃទី២ ខែធ្នូ ឆ្នាំ២០២៤។
តាមសេចក្ដីប្រកាសព័ត៌មាន, ស្ត្រីហ្វីលីពីនចំនួន១២នាក់ ត្រូវបានផ្ដន្ទាទោសដាក់ពន្ធនាគារ៤ឆ្នាំ ក្នុងម្នាក់ៗ តែអនុវត្តទោសក្នុងពន្ធនាគាររយ:ពេល២ឆ្នាំ ដោយទោសដែលនៅសល់ត្រូវព្យួរធម្មតាពីបទ «ប៉ុនប៉ងក្នុងអំពើលក់-ដូរមនុស្សសម្រាប់ឆ្លងដែន” និងបទ “សមគំនិតក្នុងបទប៉ុនប៉ងក្នុងអំពើលក់-ដូរមនុស្សឆ្លងដែន»។ ចំណែកស្ត្រីខ្មែរម្នាក់ ត្រូវប្ដូរបទចោទពី «សមគំនិតក្នុងបទ ប៉ុនប៉ងក្នុងអំពើលក់-ដូរមនុស្សឆ្លងដែន» មកបទ «មិនប្ដឹងបរិហាបទឧក្រិដ្ឋ» ដែលជនជាប់ត្រូវជាប់ឃុំ៦ខែ តែអនុវត្តទោស ១ខែ ១ថ្ងៃ ហើយទោសដែលនៅសល់ត្រូវព្យួរធម្មតា។ តាមតុលាការ, ការប្ដូរបទចោទលើស្ត្រីខ្មែរម្នាក់នេះ ក្រោយរកឃើញថា ស្ត្រីរូបនេះគ្រាន់ជាអ្នកសម្អាតផ្ទះ និងរៀបចំម្ហូបអាហារ ដើម្បីមើលថែស្ត្រីហ្វីលីពីន។
គួរជម្រាបថា អាជ្ញាធរមានសមត្ថកិច្ចបានបំបែកសំបុកក្រុមស្ត្រីពពោះជំនួសខាងលើ នៅចំណុចបុរីវិមានភ្នំពេញ ស្ថិតនៅលើផ្លូវ៦A ឃុំព្រែកអញ្ចាញ ស្រុកមុខកំពូល ខេត្តកណ្ដាល។
ខាងក្រោមនេះ ជាខ្លឹមសារទាំងស្រុងនៃសេចក្ដីប្រកាសព័ត៌មានសាលាដំបូងខេត្តកណ្ដាល៖
