សិស្សស្រីរាប់សិបនាក់ត្រូវបានសាលាបារាំងបញ្ជូនទៅផ្ទះវិញ ក្រោយពួកគេបដិសេធមិនព្រមផ្លាស់ប្តូរសម្លៀកបំពាក់អាបាយ៉ា ដែលរដ្ឋាភិបាលហាមឃាត់

អន្តរជាតិ៖ ក្មេងស្រីរាប់សិបនាក់ត្រូវបានសាលាបារាំងបញ្ជូនទៅផ្ទះវិញ ខណៈពួកគេបានធ្វើការបដិសេធមិនផ្លាស់ប្តូរអាបាយ៉ា (abaya) របស់ពួកគេ ដែលជាសម្លៀកបំពាក់ពាក់របស់ស្ត្រីមូស្លីម នៅថ្ងៃដំបូងនៃឆ្នាំសិក្សា នេះបើតាមរដ្ឋមន្ត្រីរដ្ឋាភិបាលបាននិយាយនៅថ្ងៃអង្គារ ទី៥ ខែកញ្ញា ចុះផ្សាយដោយទីភ្នាក់ងារសារព័ត៌មាន​ AFP។

លោក​ Gabriel Attal បានប្រាប់វិទ្យុ BFM ថា នៅក្នុងការប្រឆាំងនឹងការហាមឃាត់លើការស្លៀកពាក់បែបអ៊ីស្លាម ក្មេងស្រីជិត ៣០០នាក់ បានបង្ហាញខ្លួននៅព្រឹកថ្ងៃចន្ទដោយពាក់អាវអាបាយ៉ា។

ទោះយ៉ាងណា​ លោក​បាន​និយាយ​ថា ពួកគេ​ភាគ​ច្រើន​បាន​យល់​ព្រម​ផ្លាស់​ប្តូរ​សម្លៀក​បំពាក់ ប៉ុន្តែ ៦៧ នាក់ទៀត ​មិន​ព្រមទេ ហើយ​ត្រូវ​បាន​បញ្ជូន​ទៅ​ផ្ទះវិញ។

គួរបញ្ជាក់ថា​ រដ្ឋាភិបាលបារាំងបានប្រកាសកាលពីខែមុនថា ខ្លួននឹងហាមប្រាមអាបាយ៉ា នៅក្នុងសាលារៀន ដោយនិយាយថា វាបានបំពានច្បាប់នៃលទ្ធិសាសនានិយមក្នុងវិស័យអប់រំ ដែលបានឃើញរួចមកហើយ នូវការហាមប្រាមទទូលក្រមារ ក្រោមហេតុផលថាវាតំណាងឱ្យការបង្ហាញអំពីទំនាក់ទំនងសាសនា៕