ស្នងការខេត្តកំពង់ចាមត្រៀមលក្ខណៈរួចហេីយជាស្រេច ដេីម្បីធានាបាននូវ សន្តិសុខ សុវត្ថិភាព សណ្ដាប់ធ្នាប់សាធារណៈ ជូនថ្នាក់ដឹកនាំ ប្រតិភូអមដំណើរ និងប្រជាពលរដ្ឋក្នុងពិធីសំខាន់ៗ នាពេលខាងមុខនេះ
នៅព្រឹកថ្ងៃចន្ទ ទី២៣ ខែតុលា ឆ្នាំ២០២៣នេះ លោកឧត្ដមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាមបានដឹកនាំកិច្ចប្រជុំផ្សព្វផ្សាយផែនការ ការពារ សន្តិសុខ ថែរក្សាសុវត្ថិភាព សណ្ដាប់ធ្នាប់សាធារណៈជូនថ្នាក់ដឹកនាំ ប្រតិភូអមដំណើរ និងប្រជាពលរដ្ឋក្នុងពិធីសំណេះសំណាល និងពិធីអ៊ុំទូ ង បណ្ដែតប្រទីប នៅក្នុងក្រុងកំពង់ចាម នាពេលខាងមុខនេះ ។
ក្នុងកិច្ចប្រជុំក៏មានចូលរួមពី លោក-លោកស្រី ស្នងការរង លោក-លោកស្រី នាយការិយាល័យជំនាញ និងលោកអធិការនគរបាលស្រុក-ក្រុង ទាំង១០ និងសមាជិកសមាជិកាពាក់ព័ន្ធជុំវិញផែនការ ការពារ នេះផងដែរ ។
ជាមួយនោះ លោកស្នងការបានថ្លែងថា លោកបានត្រៀមលក្ខណៈរួចហេីយជាស្រេច ដេីម្បីធានាបាននូវ សន្តិសុខ សុវត្ថិភាព សណ្ដាប់ធ្នាប់សាធារណៈ ជូនថ្នាក់ដឹកនាំ ប្រតិភូអមដំណើរ និងប្រជាពលរដ្ឋក្នុងពិធីសំខាន់ៗ នាពេលខាងមុខនេះ៕
