សម្ដេចធិបតី ហ៊ុន ម៉ាណែត៖ សុំការយោគយល់ពីអ្នកវិនិយោគ កុំពង្រីកទីតាំងល្បែងផ្សងសំណាងនៅកម្ពុជា ព្រោះវាមិនបានចំនេញដល់ប្រទេសកម្ពុជានោះទេ មានតែផ្តល់ផលលំបាក

នាយករដ្ឋមន្រ្តីកម្ពុជា សម្តេចមហាបវរធិបតី ហ៊ុន ម៉ាណែត បានថ្លែង «សុំការយោគយល់ពីអ្នកវិនិយោគ កុំពង្រីកទីតាំងល្បែងផ្សងសំណាងនៅកម្ពុជា ព្រោះវាមិនបានចំនេញដល់ប្រទេសកម្ពុជានោះទេ មានតែផ្តល់ផលលំបាក ហើយប្រទេសកម្ពុជា អាចរីកចម្រើនលូតលាស់មលដល់ពេលនេះ មិនបានពឹងផ្អែកពីចំនូលល្បែងតាមក្រោមផ្ទះនោះទេ»។ ការថ្លែបរបស់សម្តេចធិបតី ហ៊ុន ម៉ាណែត នារសៀលថ្ងៃទី៣ ខែមីនា ឆ្នាំ២០២៤នេះ ក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋខ្មែររស់នៅ ប្រទេសអូស្រ្តាលី និងញូហ្សឺឡែន ដែលជំនួបសំណេះសំណាលនេះដែរធ្វើឡើងនៅក្នុងអំឡុងពេលសម្តេចធិបតី ហ៊ុន ម៉ាណែត អញ្ជើញទៅចូលរួមកិច្ចប្រជុំកំពូលពិសេស អាស៊ាន-អូស្ត្រាលី ចាប់ពីថ្ងៃទី០១ ដល់០៧ ខែមីនា ឆ្នាំ២០២៤។

ក្នុងជំនួបនេះ សម្តេចធិបតីបានថ្លែងទៀតថា «ទី២ ល្បែង ខ្ញុំបានបញ្ជារឱ្យផ្អាកចេញបណ្ណ និងកំពុងឱ្យពិនិត្យមើលត្រូវលុបអាជ្ញាប័ណ្ណចេញ កុំឱ្យវា ព្រោះវាមិនចំនេញនោះទេ គោលដៅរបស់យើងគឺត្រូវពង្រាយរោងចក្រ ពង្រាយការងារបង្កើនចំនូលទៅដល់ប្រជាពលរដ្ឋ អត់មានត្រូវការពង្រាយទីតាំងល្បែង ទោះស្របច្បាប់ក៏ដោយ ស្អីនៅក្រោមផ្ទះ ទៅដល់ភូមិឃុំនោះទេ លុបចោលទៅវាអត់ចំនេញទេ»។

សម្តេចធិបតី ហ៊ុន ម៉ាណែត បានបន្តថា ល្បែងឥលូវគឺមិនដូចមុននោះទេ ពីមុនអាចចាក់កន្ទុយលេខ ព្រឹកចាក់ ល្ងាចអាចចាំអង្គុយអ៊ុតមើល តែឥលូវចាក់ ៣នាទីចេញម្តង ហើយតាមអនឡាញទៀត អត់បានធ្វើអីទាំងអស់ វាអាចធ្វើឱ្យមានជម្លោះក្នុងគ្រួសារ និងបញ្ហាផ្សេងៗទៀត យល់ល្អកុំឱ្យមានតែម្តងល្អជាង។

បញ្ហារឿងល្បែងនេះ សម្តេចបានថ្លែងថា «សុំអ្នកវិនិយោគទាំងអស់ ខ្ញុំសុំយោគយល់ព្រោះអានេះ(ល្បែង) អត់ចំនេញប៉ុន្មានទេ ហើយវាបង្ករឡើងផលលំបាក ទោះបីជាស្របច្បាប់ក៏ដោយយើងត្រូវដកចេញ ហើយបើខុសច្បាប់ត្រូវបង្ក្រាប់ឱ្យដាច់ណាត់តែម្តង ហើយបើមានស្របច្បាប់កន្លែងណា ខ្ញុំបានឱ្យលោកអគ្គបណ្ឌិតសភាចារ្យ ដើម្បីពិនិត្យគោលនយោបាយឡើងវិញ[..] ហើយចាប់ផ្តើមបិទបណ្តើរៗ និងពិនិត្យមើលដើម្បីឈានដល់ការសម្រេចតែម្តង»។
សម្តេចបន្ថែមថា យើងត្រូវការពង្រាយរោងចក្រ ត្រូវការពង្រាយអាជីវកម្ម ត្រូវការពង្រាយការងារដែលយកលុយចូលហោបៅប្រជាជន ហើយមិនគួរដាក់ល្បែងចូលដើម្បីយកលុយពីប្រជាជនវិញនោះទេ វាបានធ្វើឱ្យលំបាក ហើយផ្ទុយពីគោលនយោបាយរបស់រាជរដ្ឋាភិបាល ហើយវាមិនបានចំនេញតែម្តង។

ទន្ទឹមនោះ សម្តេចធិបតីនាយករដ្ឋមន្ត្រីបានលើកឡើងថា ប្រទេសកម្ពុជា ក្នុងរយៈពេល២០ឆ្នាំមកនេះ អាចរីកចម្រើនលូតលាស់ក្លាយពីប្រទេសក្រីក្រ មកដល់ប្រទេសដែលមានជីវភាពមធ្យមកម្រិតទាបនេះបាន អត់មានត្រូវកាពឹងផ្អែកពីចំនូលល្បែងតាមក្រោមផ្ទះនោះទេ ហើយក៏នៅតែបន្តធ្វើបានតទៅទៀតផងដែរ៕