តាមបទបញ្ជាយ៉ាងម៉ឺងម៉ាត់របស់លោកស្នងការ ឈឿន សុចិត្ត កម្លាំងប៉ូលិសស្រុកអង្គស្នួលបានចុះត្រួតពិនិត្យសិស្សានុសិស្សក្បែរ៤០០០នាក់ រកឃើញបារីអេឡិចត្រនិក បៀ និងកាំភ្លើងខ្លីជ័រ១ដើម
កណ្ដាល៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងនគរបាលអធិការដ្ឋាននគរបាលស្រុកអង្គស្នួលដឹកនាំដោយគណៈបញ្ជាការឯកភាពរដ្ឋបាលស្រុក បានសហការជាមួយគ្រឹះស្ថានមធ្យមសិក្សាចុះត្រួតពិនិត្យ និងចាប់យកបារីអេឡិចត្រនិក(វ៉េប) និងឧបករណ៍ផ្សេងៗដែលបង្កឲ្យគ្រោះថ្នាក់ ឬហានិភ័យប៉ះពាល់ដល់សុខភាពចំពោះសិស្សានុសិស្សនៅវិទ្យាល័យចំនួន០២នៅស្រុកអង្គស្នួល។
ជាលទ្ធផលនៅព្រឹកថ្ងៃទី០៥ ខែមិថុនា ឆ្នាំ២០២៤ នៅវិទ្យាល័យ ហ៊ុន សែន លំហាច ស្ថិតនៅភូមិព្រៃគោ ឃុំលំហាច ស្រុកអង្គស្នួល ខេត្តកណ្តាល បានត្រួតពិនិត្យសិស្សានុសិស្សសរុបចំនួន២,៧២៨នាក់ ក្នុងនោះសិស្សស្រី ១,៤២២នាក់ ដោយបានដកហូតបារីអេឡិចត្រូនិច (វ៉េប) ០១ដេីម និងកាំភ្លេីងខ្លីជ័រក្នុងកាតាប ចំនួនមួយដេីមពីសិស្សឈ្មោះ រិន សុភា ភេទ ប្រុស អាយុ ១៩ឆ្នាំ រៀនថ្នាក់ទី១២ C ដែលមានបារីអេឡិចត្រូនិច (វ៉េប) នៅក្នុងកាតាបចំនួន ១ដេីម និងឈ្មោះ ថុល ហ្គិចលាប ភេទ ស្រី អាយុ ១៣ឆ្នាំ រៀនថ្នាក់ ទី៨ F មានកាំភ្លេីងខ្លីជ័រ ក្នុងកាតាប ចំនួន០១ដេីម។
ចំពោះសិស្ស០២នាក់ខាងលេី លោកគ្រូបានអញ្ជេីញឪពុកម្តាយមកដល់សាលារៀន ដេីម្បីចូលរួមធ្វេីកិច្ចសន្យាអប់រំ និងទទួលកូនយកទៅធ្វេីការអប់រំបន្តនៅផ្ទះ។
នៅព្រឹកថ្ងៃទី០៧ ខែមិថុនា ឆ្នាំ២០២៤ នៅវិទ្យាល័យ ហ៊ុន សែន ត្រពាំងត្នោត ស្ថិតនៅភូមិ ត្រពាំងត្នោត ឃុំម្កាក់ ស្រុកអង្គស្នួល ខេត្តកណ្តាលបានត្រួតពិនិត្យសិស្សានុសិស្សសរុប១,២៤៧នក់ ក្នុងនោះសិស្សស្រី៦៦៤នាក់ដោយបានដកហូតពីសិស្សានុសិស្ស០៤នាក់ មានបារីអេឡិចត្រូនិច (ម៉ាស៊ីន+ក្បាលវ៉េប) ចំនួន០២ដេីម ទឹកវ៉េប០១ដបតូច និងបៀ០១ហ៊ូ ពីឈ្មោះ សាត សុពន្លឺ ភេទប្រុស អាយុ ១៤ឆ្នាំ រៀនថ្នាក់ទី៩E មានបារីអេឡិចត្រូនិច (ម៉ាស៊ីន+ក្បាលវ៉េប) ០១ដេីម ,ឈ្មោះ សេង វិធី ភេទប្រុស អាយុ១៦ឆ្នាំ រៀនថ្នាក់ទី៩C មាន ទឹកវ៉េប០១ដបតូច និងក្បាលវ៉េប០១, ឈ្មោះ ណែម ម៉ានីត ភេទប្រុស អាយុ១៨ឆ្នាំ រៀនថ្នាក់ទី១២B មានបារីអេឡិចត្រូនិច (ម៉ាស៊ីនវ៉េបគ្មានក្បាល) ០១ដេីម និងឈ្មោះ ចេង មករា ភេទ ប្រុស អាយុ ១៧ឆ្នាំ រៀនថ្នាក់ទី ១១B មានបៀ០១ហ៊ូ ក្នុងកាតាប។
ចំណាត់ការចំពោះសិស្ស០៤នាក់ខាងលេី លោកគ្រូបានអញ្ជេីញឪពុកម្តាយមកដល់សាលារៀន ដេីម្បីចូលរួមធ្វេីកិច្ចសន្យាអប់រំលេីកទី១ តាមបទបញ្ជាផ្ទៃក្នុងសាលា និងឱ្យឪពុកម្តាយទទួលកូន យកទៅធ្វេីការអប់រំបន្តនៅផ្ទះ៕
