ឃាត់ខ្លួនបានហើយ! ក្រុមប៉ូលិសបានឃាត់ខ្លួនជនដៃដល់សម្លាប់ស្ត្រីវ័យក្មេងម្នាក់នៅអូតែល «ហូម ឈីក»

(ភ្នំពេញ) ៖ ជនសង្ស័យពាក់ព័ន្ធករណីឃាតកម្មលេីស្ត្រីវ័យក្មេង ម្នាក់ នៅខុនដូក្នុងខណ្ឌបឹងកេងកងត្រូវបានសមត្ថកិច្ចនគរបាល ខណ្ឌបឹងកេងកង និងមន្រ្ដីជំនាញស្នងការដ្ឋាននគរបាលរាជធានី ភ្នំពេញ សហការជាមួយនាយកដ្ឋានព្រហ្មទណ្ឌក្រសួងមហាផ្ទៃ និង ស្នងការដ្ឋាននគរបាលខេត្តកណ្តាល ស្រាវជ្រាវឃាត់ខ្លួនបានហើយ ដោយជនសង្ស័យឈ្មោះ Lee Tai Sik ភេទ ប្រុស អាយុ ៤៣ឆ្នាំ ជនជាតិកូរ៉េខាងត្បូង។

ពាក់ព័ន្ធករណីស្រ្តីជនជាតិខ្មែរវ័យក្មេងម្នាក់ដែលត្រូវបានគេសម្លាប់ ខាងលើនេះ គេនៅមិនទាន់ដឹងមូលហេតុនៅឡើយ។

ករណីនេះ បានបង្កឱ្យមានការភ្ញាក់ផ្អើល កាលពីវេលាម៉ោង ៦៖១០នាទីព្រលប់ថ្ងៃទី១៧ ខែមករា ឆ្នាំ២០២៥ នៅចំណុច អូតែល «ហូម ឈីក» នៅតាមបណ្តោយផ្លូវលេខ២៨២ ក្នុងសង្កាត់បឹងកេងកងទី០១ ខណ្ឌបឹងកេងកង រាជធានីភ្នំពេញ។

ភ្លាមៗនោះ កម្លាំងនគរបាលជំនាញព្រហ្មទណ្ឌ រួមទាំងកម្លាំងនគរបាលមូលដ្ឋានខណ្ឌបឹងកេងកងបានចុះមកដល់ទីតាំងកើតហេតុ ដើម្បីត្រួតពិនិត្យកាំម៉េរ៉ាសុវត្ថិភាពស្វែងរកកំណត់អត្តសញ្ញាណជនសង្ស័យ។

បច្ចុប្បន្នសមត្ថកិច្ចកំពុងសាកសួរដេីម្បីកសាងសំណុំរឿងបញ្ជូនទៅ តុលាការចាត់កាត់តាមច្បាប់៕