ក្រុមប៉ូលិសមហាផ្ទៃបង្ក្រាបជនសង្ស័យឆក់ទូរស័ព្ទដៃពីជនជាតិបរទេសបានភ្លាមៗ
ភ្នំពេញ៖ លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋានទទួលផែន កាលពីថ្ងៃទី០២ ខែឧសភា ឆ្នាំ២០២៤ វេលាម៉ោង០៣៖៣៥នាទីទៀបភ្លឺ បានដឹកនាំកម្លាំងជំនាញការិយាល័យព្រហ្មទណ្ឌកម្រិតធ្ងន់ ដែលមានលោកវរសេនីយ៍ឯក ញ៉ែម វ៉ន នាយការិយាល័យព្រហ្មទណ្ឌកម្រិតធ្ងន់ ដោយមានការចូលរួមពីលោកវរសេនីយ៍ទោ ប៊ុត ស៉ីម៉េង នាយការិយាល័យ ចុះល្បាតតាមបណ្តោយផ្លូវលេខ៦៧ ក្នុងសង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ក៏ប្រទះឃេីញជនរងគ្រោះដែលជាជនបរទេស (អាហ្វ្រិច) កំពុងប្រតាយប្រតប់គ្នាជាមួយជនសង្ស័យម្នាក់ ក្នុងចំណោមបក្សពួកចំនួន៤នាក់ ដែលបានធ្វេីសកម្មភាពឆក់ទូរស័ព្ទដៃរបស់គាត់។
ភ្លាមនោះកម្លាំងជំនាញការិយាល័យធ្វេីការឃាត់ខ្លួនជនសង្ស័យម្នាក់ នៅកន្លែងកេីតហេតុឈ្មោះ ហ៊ន វណ្ណះ ហៅ ឡយ ភេទប្រុស អាយុ៤៥ឆ្នាំ ជនជាតិខ្មែរ មុខរបរមិនពិតប្រាកដ ទីកន្លែងស្នាក់នៅផ្ទះជួលម្តុំផ្លូវ២០០៤ ផ្លូវបេតុង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ រីឯបក្សពួកចំនួន៣នាក់ទៀតបានយកទូរស័ព្ទដៃរបស់ជនរងគ្រោះ រត់គេចខ្លួនបាត់។
បច្ចុប្បន្នកម្លាំងជំនាញបាននាំជនសង្ស័យខាងលេី មកនាយកដ្ឋាននគរបាលព្រហ្មទណ្ឌដេីម្បីធ្វេីការសាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕
